Á hjóladögum sumarið 2008 var tekin fyrsta skóflustungan að glæsilegri byggingu sem hýsa mun starfsemi safnsinns. Þessi glæsilega bygging er teiknuð af Kollgátu ehf arkitektastofu án endurgjalds. Byggingin er á tveim hæðum og er hönnuð með hagkvæman rekstur safns í huga.

Á neðri hæð eru fjórir sýningarsalir og ætlunin er að í einum þeirra verði fastasýning Heiðars með persónulegum munum hans og  eitthvað af hjólunum hans. Þar eru einnig snyrtingar, skrifstofa, lager og viðgerða og uppgerðaraðstaða fyrir safnahjól.

Á efri hæð eru tveir sýningarsalir og einnig kaffihús og fundaraðstaða sem möguleiki er á að leigja út í minni veislur. Hönnun gerir ráð fyrir að hægt sé að leigja út kaffihúsið og fundarsal með safnið sjálft lokað.

Engar fastar áætlanir eru um byggingarlok, en vonir standa til að húsið verði fokhelt vorið 2009 þannig að hægt sé að innrétta veturinn 2009-2010. Ef allt gengur vel er stefnt að formlegri opnun 15. Mai 2010 sem er afmælisdagur Heidda.

Hægt er að skoða og fylgjast með framkvæmdum í myndasafninu okkar.