Í dag voru síðustu þakkantarnir steyptir sem er mikill áfangi og síðasta steypan í bili. SS byggir er farin með vinnuskúra og verkfæri af staðnum og eru hættir í verkinu. Næstu dagar fara í að slá undan súlum og taka til á svæðinu, eins þarf að keyra steypumótum og ýmsu dóti burt af svæðinu. SS byggir leyfir okkur að hafa rafmagnsskúrinn lengur og þar er nú kaffiaðstaða ofl. minni á að alltaf vantar sjálfboðaliða til að hjálpa því nóg er að gera.  Nýjar myndir fljótlega.

Nú er öll steypuvinna að verða búin, öll þök eru nú steypt og einungis á eftir að steypa þakkanta að hluta til. SS byggir er farinn með vinnubúðirnar og er að flytja sitt dót burt því þakkantarnir eru það síðasta sem þeir gera í húsinu. Næsta skref er að einangra húsið og setja í glugga og vonum við að fleiri sjái sér fært að hjálpa því frá og með næstu helgi verður safnstjóri einn að bauka á svæðinu. Til að auðvelda fólki að kíkja eftir vinnu á virkum dögum mun ég reyna að vera seinni part dags á svæðinu .

Eins og glöggir sjá eru breytingar á vefnum og fleiri í vændum, það er gert til að gera hann gagnvirkari og notendavænni. Vefurinn er nú beintengdur inn á nokkrar hjólasíður þannig að greinar og fréttir birtast sjálfkrafa þar. Fljótlega verður hægt að setja inn athugasemdir á fréttir og einnig er tilbúið spjallsvæði sem áhugafólk um gömul hjól getur skipst á ráðleggingum og varahlutum. Lítil hreyfing hefur verið á vefnum undanfarið vegna þessarar vinnu og mikils annríkis í byggingunni en það horfir nú til batnaðar.

Minni á myndasafnið